Sertilboð í Føroyum

Fólkaskúlin

Í Føroyum hava vit ein serskúla, Skúlan á Trøðni,  og harumframt eru fleiri sertilboð/serflokkar skipað runt um í landinum.

Tað er ymiskt, hvussu hesi sertilboð/serflokkar eru í stødd og skipan. Felags fyri øll tilboðini er, at tey eru skipað soleiðis, at ein skúli umsitur sertilboðið í mun til skúlaøkið og tekur tískil næmingar inn frá einum ella fleiri skúlum í nærumhvørvinum. 

Tey tilboð, sum í løtuni eru skipað, eru í hesum skúlum:

• Lonin - Vágs skúli

• Skúlahúsið - Tvøroyrar skúli

• Sertilboðið í Hoyvíkar skúli

• Guli skúli - Skúlin á Fløtum

• Pallurin - Sørvágs skúli og Skúlin á Giljanesi

• Lonin - Skúlin við Streymin

• Sertilboðið í Runavíkar kommunuskúli - Glyvra skúla og Skúlin við Løkin

• Sertilboðið á Skúlatrøð

• Melin - Vestmanna skúli

• Lonin í Hoydølum - Eysturskúlin

• Ljósástova - Skúlin á Argjahamri

Mannagongdir í samband við sertilboð:

Grundleggjandi verður altíð arbeitt út frá Fólkaskúlalógini. Til Fólkaskúlalógina eru gjørdar ymiskar kunngerðir, sum tilskila, hvussu arbeiðast skal. 

Kunngerðirnar, sum arbeitt verður út frá, eru:

Kunngerð um serundirvísing, sernámsfrøðilig átøk og sernámsfrøðiligan stuðul

Kunngerð um at skipa serligan skúla ella undirvísingartilboð

Miðnám og Rásin

Skúlatilboð eftir fólkaskúlan er í tveimum ymiskum skipanum:

• Rásin, skipað sum eftirskúli

• Serligt Skipað Miðnám, SSM, ið er staðsett í hesum skúlum:

• • Tekniski skúli í Klaksvík

  • Miðnám á Kambsdali

  • Glasir

  • Miðnámsskúlin í Suðuroy

Hesi tilboð eru skipað í samstarvi millum skúlaverk og almannaverk.

Uppgávan hjá Sernámi í hesum tilboðum er m.a. at veita sálarfrøðiliga ráðgeving, sparring og supervisión. Umframt er umboð fyri Sernám við í upptøkubólkunum og seinastu árini eisini í ráðgevandi bólkinum fyri Rásina.